فى قربك حبيبى

يا صاحب القلب الطيب

يا ابو العيون الصافية

والكلام الهادى

جنبك انا بحس بالامان

قلبى بيطمن

دقاتة هادية وسعيدة

فى وجودك يا قلبى

بملك الكون

تجرى حروفى من قلمى

على اوراقى وانت فى حضن قلبى

كلماتى بتحسك

بتهمس باسمك

فى وجودك يا قلبى

دنيتى متلونة

وردتنى على صدرى فاج عبيرها

عطرى فى وجودك يغار منة الفل والياسمين

عيونى بتضحك للكون

احساسى فى قربك فوق الوصف

بوصل لهدوء الخيال

فى قربك الدنيا غير الدنيا

بشتاق لوجودك

بتوحشنى وانت يا حبيبى جنبى

بيوحشنى صوتك وكلامك

قربك واحة امان

كلامك راحة زمانى

بطمن يا حبيبى فى قربك

عصفورة انا فى قفص حنانك

لا اتشوق للحرية

حريتى فى لمسة اديك

ونظرة عنيك

وهمستك

وكلمتك

وحنيتك

بتونس يا حبيبى انا بيك

بـــحبــك اووى

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

طبعا غيبت كتير جدا جدا عنكم

بس طبعا هتعزرونى لان ربنا وحده الا استجاب لدعواتكم وبعتلى حبيبى هما اه مجرد ايام وساعات بس عندى اهون بكتير عن بعده عنى

تسلمولى يارب على دعواتكم الا من قلبكم ليا وكلها ايام وهرجع عن الاول كمان

وهترجع ريما لعادتها القديمه هرجع اكتب من تانى عن بعده عنى

وكفايا بقا كده  كتابه

مازلت انتظرك حبيــــــــــsaberــــــبى

ندى الكلمات حائرة على سطورى

حين صرخ الشوق لك

كيف يصف لك قلمى شعورى

وانا حيرتى من بعادك

اترى تذكر القلب الذى عاش لك

تتساقط دموعى على اوراقى

كندى الصبح على اوراق الشجر

اريدها مبلله حتى تأتى انت

ويجففها قربك وحنانك

كلماتى مبعثرة

لا اقوى ان ألملمها

انها تشكى منك لك

اقترب مد يدك

امسك اوراقى برفق

لملم معانى حبى لك

اسمعها تتحاكى بعشقك انت

هنا حرف وهناك كلمة

والمعنى هو انت

تتحاكى كلماتى تذكر نفسها

بلقائى الاول بك

كنت بلا هاوية

ابحث فى فضاء العشق عن معنى الحب والغرام

صدفة جمعتنى بك

ولا اؤمن يا عمرى بالصدف

هو قدرى ومكتوب ألقاك

وادوب فى هواك

ويمتلكنى عشقك

ويؤلمنى بعدك

ويسعدنى قربك

قدرى اعيشك

يا قدرى

صمت القلب وتنهد الصعداء

تنهيدة هزت ارجاء السماء

محملة بحيرة ورجاء

انى اطفأ نار بعادك فى نهر الاشتياق

واكون ربان سفينة الامانى اصارع الامواج

ويأخدنى حبك لجزيرة الاحلام

انتظرك نتحاكى بهمس الكلام

ونسهر مع قمر يتبسم لنا فى انسجام

ونجوم سهرانة تضحك فى فرح وهيام

يا حبيب امتلك كلمة سر وجودى

بيدك الفرحة

وفى قربك البهجة

وفى بعادك الدمعه حايرة

هنا مع زهورى ننتظرك

ارتديت فستانى الابيض

تعطرت بعطر الفل

تجملت بمساحيق الغرام

ووضعت وردتى الحمراء فى شعرى

انتظرك مع نور شموعى

وكأس الهوا

ونور القمر

وصوت الموسيقى

هنا انتظرك تأتى وتراقصنى

وتضمنى لحضن قلبك

تروى ظمأى بشهد قربك

وتتركنى احدثك بعيونى

اشكى لك واحكى لك واهمس لك

نتراقص ونتراقص على جبين القمر

وتمر بنا الساعات فى هنا

وانسى معاك مين انا

اغمض عينى وانتظرك يا حب عمرى

واعلم انك سوف تأتى

لان قلبك هنا فى حضن قلبى

ارجعلى حبيبى

ياربى كون معه واحميه

اسألك يا ألاهى يا سامع ندائى

طمن قلبى عليه

مالى سواك عالم بحالى

وشاهد على لهفة قلبى عليه

ريح قلبى ياربى واحميه

حبيبى

كم كرهت بعد المسافات بينى وبينك

كم كرهت البحار الى تبعدنى عنك

تمنيت ان اكون حمامه اقطع كل المسافات

وانام بين يديك

حتى لو اتعبنى طول السفر

وكانت اخر انفاسى على صدرك

تمنيت اكون نسمة اقطع حدود الزمن

واتوسد خديك

واقبُل يديك

وامسح على شعرك

وتكون فى حضن قلبى حتى اطمأن عليك

حبيبى

غابت عنى الراحة فى بعدك عنى

وانت بين الأسرة البيضاء

وانا حبيسة غربتى

لا اقوى على البعد

دموعى تناجى رب العالمين

يصونك ويحميك

كنت اتمنى اكون طبيبك

واعطيك الدواء من دمى وقلبى

واترقبك بدقات نبضى

يا بعد المسافات بينى وبينك

تقطع فى قلبى بقسوة

كم تمنيت اكون بجوارك

وتتوسد راسك حضنى

وعلى دقات قلبى تنام فى هدوء

اعطيك انفاسى

اعطيك حياتى

اعطيك .. اعطيك

تاهت منى الكلمات

لانى لا اعرف ما اعطيك

لان حياتى ملك لك ليس لى

انفاسى فى صدرك انت مكانها

دقات قلبى تسكن قلبك

انا لا املك حتى نفسى

لان انا ملك لك

فلك انت كل ماتبقى من عمرى

حبيبى

نسيت النوم فى بعدك عنى

ونسيت روحى السعادة والضحكة

ارجعلى بسلامة ياقلبى

عود الى مكانك بجور دمى فى عروقى

ياربى يا سامع دعائى

سبحانك المنفس عن كل محزون

سبحانك المفرج

سبحانك من خزائنك بين الكاف و النون

سبحانك من يقول للشيء كن فيكون

اللهم أسالك بنور وجهك الكريم

ورحمتك التي وسعت كل شيء

احميه ورجعه لقلبى

انا فى احتياج له

هو حياتى ومطلبى

هو حبيبى وعمرى

احفظة لى

يااااااااااااااااااااااااااااااااارب

الناس دى ذمبهم ايه بس

مش عارفة ابدا منين ..~؟

بس جوايــا كلامـ كتيــر اوووى ..

واكــتر سؤال تعبنــى ...

..
.

ذنبهمـ ايــــــــه ...؟؟؟

ايــه اللى عمــلوه عشــان يحصلهمـ كـــده

طفله بريئة ... عروسة زى القمــر .. راجــل كبيـــر

...

طلعنـــا .. عملنــا ثـــوره .. واتظــاهرنـــــا ...

حققنــــا الحريه ....

كويــس ماشـــى ...

بس مقلتليــش برضــو ذمبهمـ ايـــه؟؟

ماتت .. مــــــات ... اتخطـــفت .. اغتصـــبت ...

اخبــــار اخبــــار .. جمهـــورية

واقرااااه الحـــــادثه ؟؟؟

قاعديـــن مع بعض صحاب .. اخواات .. جيـــران

يجــى حد يقلكـ سمعتـ اللى حصــل

ده خطفــوا بنت فى المكــان الفلانـــى

ياخبـــــــــــــر ............!!!

ده ياريـــت كده بس ده اغتصبوهــا وبهدلــوهـــا

 

ويجـــى واحد تـــانــى يقــول
ده البلطجيه طلعواا على واحــد
وقتلـــوه علشــان

؟؟

دافـــع عن نفســـه ..

او عن اهــــــــله ..

او عن عرضـــــــــه ..

ولا مسمعتش ياعمـ عن البلطجية * قطــاع الطرق *

يطلعــولكـ جمـــاعه كده ومعاهمـ سكاكين وشــومـ

يوقفــوا العربيه او الميكروباص او....

وحســـب مزاجهمـ بقـــى ؟؟؟

لامـــا ياخد الفلـوس اللى معاكـ
ويبقــى انــت كده ربنـــا بيحبكـ اووووى ..~

او ياخـــد مثلا موبايلتكمـ وفلوسكمـ والدهب ويقشطكمـ عالاخـر
وبرضـــو احمــد ربنــــا ....~

يامـــا بقــى الكــارثه الكبــرى .. لو معاكـ بنــات او ستــات
ياخدهمـ منكـ

وده طبعــا حسب مزاجـــهـ ..

الله اكبر بقينــا تحت رحمه البلطجيــة ...~

ولا شـــوف بقـــى الابتكــار والذكـــااء

يخليكـ طالع كده زى العسل بيتكـ ..~

وهــــوب يتسحــب وراكـ

ويخليكـ بتفتــح باب شقتكـ

ويزقكـ ويدخــل يقشطـ البيــت

والله عارضت .. قول علــى نفســكـ يارحمــان يارحيــمـ ..

مــش كــده بــس .. دى حــالات كتيــــر

ســرقه .. نهـــب .. خطــف .. قتـل .. اغتصـاب .. و...و...و.. الخ

ذمبهمـ ايـــهـ ....؟؟؟

راح الامـــــــان وضـااااااااااااااااع ..

عايشيـــن فى كل لحظــه متوقعيــن الضيــاع ...

محدش يقـــولى كل حاجه ليهــا ضربيتهــا وخسايرهــا

للاســف الخســايــر دى اروحنـــــــــــــا

اللى بيحصـل ده ممكن يحصـل فيــا وفيــكـ

فى امــى فى امــكـ فى اختــى فى اختــكـ

فى بنتى فى بنــتـكـ ........

كـل يومـ بنسمـع

احنـــا فيـــن ....؟؟؟

الرعــب جوانــا وتمالكنــا
بقينــا خيفين نخـرج من بيتنــا
كل امـ فى بيتهــا خايفــة على بنتهــا
خايفـة حتى على جوزهـا وهو نازل شغله

لا جديـــــــــــد ولا تغيـــــــــــر ...~

مجــرد توقعـــات لمستقبــل افضـــل ...~

ولكـــــن الجديد بالفعـــل هو ..~

ضياع الامـــــان ..

ابريــاء بتــروح ملهمــش ذمــب ...~

انا مش هاحط العيب على الثورة
لانها عملت اللى بنطالب بيه من سنين

وحققوا حرية ورجعوا لكل مواطن مصري كرامته
وارجـع اقـول يمكن لو معملناش كل ده
مكنش راح الابريـاء دول
بجد مش عـــارفة

ايـــه تـــانـــى هيحصــل فينـــا ....؟؟؟

حد يقـــلى ذمبهمـ ايــــــــــــه ...؟؟؟

والله حــرامـ
قلبــى بيبكــى عليهمـ
على اللى حســوا بيـــه
على كل لحظه خـوف عاشـوهـاوهى بتتخطف وهو بيتسرق و..و..
وعلى كــل امـ حصــل كده فى بنتهــا
ياحــرقة قلبهــــــا
وكل اب ضاع قدامه اهله او بناته
وكل اب او ضحيه شاف مماته عشان بيدافع عن اولاداه
آآآآآه والف آآآآآه عليكــــواااا ...~

مـش لاقيـة كلامـ اقــولة
غيــر...~
ربنــا يتولانـــا برحمتــــه

والسـلامـ ختــامـ
اسـال الله تعــالى ان يزيـل الغمــة
ويحفظنــا جميعــا ...~

ياااارب

 

يارب يا سميع يا مجيب حقق لى أملى ... ارزقنى كما رزقت زكريا .... هب لى ذرية صالحة ..اجعلنى أما !! ناجيت الله كثيرا بعد صلاة العشاء ان يحقق لى أملى ويهب لى جنينا أسعد به ويملأ على دنياى انا وزوجى ...

لا أعرف كيف اجتاحنى احساس الأمومة من أول ما تزوجت ... كنت وأنا بنت احساسى بالأطفال مختلف !! لم يكن عندى صبر طويل مع الاطفال ....أحب الطفل وهو يلعب ويضحك وأول ما يبكى تنقطع الصلة بينى وبينه وارميه لأمه فورا !!

ماذا حدث ؟ سبحان الله القدير أحن لشىء لم أره !! ونفسى تهفو لأن تجاور دقات قلبه جسدى وأضمه بين ضلوعى !! كيف حدث هذا الانقلاب ؟ يارب يارب هبه لى هبة مباركة من عندك ...قد لا أكون أهلا لهذه الهدية ولكنك أهلا لهذا العطاء يا سميع يا مجيب ....

أكاد أجن من شدة وطأة هذا الشعور والحنين القاتل لأن أكون أما والغريب أن صابر لا يساوره هذا الاحساس مثلى ؟!

بالرغم ان من جواه دى اكبر امنيه بيتمناها

وما يجرحنى بشده ويزيد عندى الاحساس  هو سؤال الناس الدائم لى (هاااا ...مفيش حاجة حلوة جاية فى الطريق ؟) أول ما أسمع كلمة هاااا الكريهة أتجنن !! خلاص السؤال ده أصبحت أهرب منه من الجميع وكأن الموضوع بيدى وأنا التى لا أريد !! اه لو كل الناس تكون فى حالها.....

نظرت الى صور صابر وكأنى أراه لأول مرة فى عمرى كله ويملؤنى احساس ان قلبى ملىء من ناحيته بحب من نوع جديد .....حب فى الله .......حب أقوى وأعمق مئات المرات من حبى له كرجل أو كزوجى فهذا ممكن أن يضيع أمام أى مشكلة ....أما أن أشعر أنى أرضيه لأنى أرضى الله فيه وأحبه لأنى أحب الله فيه ..... فهذا لا يمكن أن يضيع ولا يمكن أن ينتهى ....دعوت الله أن يحفظه لى ويجمع قلبينا سويا حتى نهاية العمر فى زمرة المتحابين فى جلاله .....اللهم احفظ علينا نعمتك التى لا تمنحها الا للقليل من عبادك وعلمنا شكرها وحق رعايتها ......اللهم أدم علينا الحب فيك ومنك وبك يارب العالمين....

ــــــــــــــــــــــــــــــــــــــــــــــــــــــــــــــــــــــــــــــــــ

اسفه لتانى مره بانى ما بعلقشى على ردود التعلقيات السابقه

وعن سبب غيابى لمده 8 ايام عن مدونتى ودا لانى كنت تعبانه جسمانياوالحمد لله يارب العالمين

مخنوووقه يارب ارحمنى

احبك ربى

يامن ليس لى رب سواه

يامن احبه واتمنى رضاه

احبك ربى يانعم الخالق

وادعوك وليس بينى وبينك حجاب

قلت ادعونى ياعبدى

انا قريب مجيب الدعوات

اناديك ربى فتسمعنى

واناجيك بقلب خاشع لتريحنى

وابكى بين يديك بدموع العين والقلب

استشعر وجودك تمد لى يدك

وانا العبد العاصى وذنوبى كثر

والعصيان من طبع البشر

واسمعك فى قلبى تقول ياربى

استغفر لى ياعبدى واندم على ذنبك

اقترب لى ياعبدى افتح بابى لك

يارب

يارب

أشكو لك حالى فارحمنى

فكيف يكون حالى بدونك ربى

يارب

يارب

كلما أخطأت جريت نحوك

أبكى بدوع القلب واقول اغفر لى

اغفرلى ياربى

مالى سواك

ظلمونى البشر

وقلبوهم عليا مثل الحجر

اشكى لك ضعفى وغدر الناس بى

يارب

ياخالق القلوب

حنن قلوب العباد

لية فيها القسوة والغدر

لية الجرح من اقرب الاحباب

يارب

يارب

خلقت قلبى ضعيف لا يستحمل غدر واسية

امنحة القوة على تحمل الصدمات

ارجوك ياسامع دعائى

ريح قلبى وارحمنى من دقاتة الحزينة

يارب

يارب

اغسل قلبى بنور حبك

نسينى غدر الناس وقسوتهم

نسينى ايام حزنى وسهدى وعذابى

يارب

لو كان تعبى فى دنيتى جزاء ذنب اقترفتة

ادعوك ارحمنى واغفرى ذنبى

دموعى مش من قسوة البشر

دوعى خوف ان تكون عنى غير راضى

يارب

اقبلنى

لاتتركنى لنفسى

اتوسل اليك ارحمنى

طرقت بجهلى ابواب كثر

باب صديق غدر

باب قريب سخر

ولقتنى بدون هاوية

ولقيت الظلم من كل البشر

جريت على بابك

بابك ياربى

ويسبقنى خجلى وذلى

ودموعى بحور فى طريقى

اتوسل اليك ياربى ارحمنى

قلبى ينبض بين ضلوعى

جسمى من نور طلعتك يرتجف

ودموعى سالت على خدى لتحرق القلب

من شوقى لك ياربى

يارب

يارب

ااه من صغرى وحماقتى وانا الجأ لغيرك

وانت بعزتك وبهائك وجلالك

تتنزل لسمائى

وتمد لى يدك وتتطلبنى

ادعوك

وانت تستجيب

استغفر

وانت تجيب

اناجيك

وانت القريب

يارب

بدموعى اتوسل اليك

اغفرى جهلى بك

اغفرى بعدى عنك

سامحنى يارب

انت ربى

وانا عبدك الضعيف

ارحم ضعفى يا حبيبى

وثبت قلبى على حبك

ادعوك وكلى رجاء تقبلنى

ادعوك وكلى ثقة بعفوك الكريم

ادعوك واسمعك

تقول لى

لاعليكى ولاتبكى

فلمن وجد عفوى ومغفرتى

فاعود اليك وفرحتى تسبقنى

وابكى واقول

احبك ربى

احبك ربى

احبك ربى
ـــــــــــــــــــــــــــــــــــــــــــــــــــــــــــــــــــــــــــــــــــــ

انا مخنوقه جداااااااااااااااااااااااااااااا

ومش جيلى نفس ارد على تعليقات البوست الا فات

سامحنى حبيبى فى الا هتشوفه من كلام هقوله يمكن عمرى ما اتكلمت معاك فيه بس غصب عنى مكتومه بجد والله مكتومه ونفسى اصرخ فى بعدك عنى

لعند دلوقت يا حبيبى شهرين مش قادره استوعب على بعدك عنى بالرغم انك قعدت معايا شهر بس شفت فى عنيك دنيتى كلها

شفت فى عنيك حنيه امى عطف ابويا شفت فيك كل اهلى كل حياتى غصب عنى

بخاف اكلمك فى اى حاجه فى بعدك عنى

والله قبل ما اقولك كلمه وحشتنى بخاف من رد فعلك بخاف اقلك اشتقتلك حبيبى لتتهور وتنزل ليا

من ساعه ما اتهورت عليا علشان بقلك الايام فى بعدك عنى تقيله اووى

اعمل ايه اضحك عليك واقلك انها بتعدى

والله مابتعدى قسما وبالله مابتعدى يا حبيبى

حبيتك اووى نفسى باى طريقه اكون معاك وتكون معايا

وبالذات الليل

لانه تقيل اوووووووووووووووووى

بفتكرك فيه  علشان يجيلى نووم

وبكتم صرختى 

اااااااااااااااااااااااااااااااااااااااااااااااااااااااااااه

مخنوقه وحتى خايفه اكتب لتزعل من كلامى

يارب ارحمنى

يارب ليه بتبعد عنى كل حد بحبه ليه ليه

استغفر الله العظيم يااارب

يارب ريح قلبى واهديه والله ما طلبا حاجه كبيره

ماشى موافقه انه بعيد عنى بس ريح قلبه واهديله العاصى وطمنى قلبى دايما عليه وافرجها عليه يارب

واحميه من شر الدنيا ومتاعبها

معتشى ليا الا هوا فى دنيتى احمهولى وخلهولى هوا بقا ابويا وامى ربنا يطولى فى عمره ياارب

سامحنى يا صابر انا بجد تعبانه من غيرك

ماتفتكرشى انى ايام زعلنا من بعض الايام الا فاتت بتكون على سهوه انا بقصدها لانى وراها خنقه فى قلبى كبيره

دايما لما ماما تشوفنى ساكته بتقلى مسلى انك بتضحكى علشان ما نزعلشى منك

وادينى اول ما مسلت مسلت عليك انت بانى كويسه وبخير بس انا بحبك اوووى

ومعنتش قادره اكتم دا

انا عارفه انك نفسك تكون معايا ومستحمل علشان احنا نكون كويسين وتوفر لينا كل الا نفسنا فيه

بس انا نفسى اكون معاك انت

مش زمبى يا صابر افضل متعذبه كده

وغصب عنى لازم استحمل

وغصب علشان حاجه واحده بس

هيا

انى

ارضيك

ـــــــــــــــــــــــــ بحبك ــــــــــــــ

   ــــــــــــــــــــــــــــــــــــــــــ اوووى ـــــــــــــــــــ

ابوس ايدك ما تصليش على النبى

طبعا العنوان مستفز جدا انا عارفة وانا فعلا اقصده

ابداْ كلامى بخير الكلام

والصلاة على خير الانام

(إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً)
الاحزاب65

اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ إِنَّكَ حَمِيدٌ مَجِيدٌ)

أوصانا الحبيب عليه افضل الصلاة والسلام ان نكثر من الصلاة عليه

ومن صلى عليه صلاة صلى الله بها عليه عشرة

جميل ان اهالينا لما تحكيلنا حدوتة تقول صلو على النبى الاول

او مثلا وانت ناسى حاجة تصلى على النبى عشان تفتكرها

لكن فيه بعض المواقف باشوف الناس بتصلى على النبى

واقول ياريته ما صلى عليه

مثلا -واحد بيعاكس واحدة يقوم ماسح مسح جغرافى لكل
جسمهاا بعينيه ويقول اللهم صلى على جمال النبى ده ينفع؟

 

-واحد عاوز يوصل لك رسالة انك لازم تسيب حقك
وتاخد على دماغك وتسكت يقوم يقولك ياعم صلى على النبى

 

-واحد بيفتح معاك نميمة وانت بتقوله دع الخلق للخالق
يقولك صلى على النبى ده كيت وكيت وكذا وكذا

 

-والافظع بقى زفة فى فرح والكل ناسى يلبس هدومه
والراقصة بتتمايل وتتدلع

والكل يصفق صلى على النبى صلى على النبى او صلى صلى واللى ما يصلى مش عارفة ابوه ايه وامه ايه ده ينفع

-طيب دول ناس بيئة مثلا وياى منهم.

الناس بقى اللى مش بيئة فى اول الفرح

(والكل برضو بينسى يلبس هدومه صيف وشتاء)
تلاقى هشام عباس يغنى اسماء الله الحسنى

والناس آخر خشوع وأول ما يقول اللهم صلى على اسعد مخلوقاتك

هوببا تلاقى الكل بيتمايل ويصفق والبعض يرقص فيه ايه ياناس

 

واللا اللى بيرقصو على اغانى سامى يوسف
واللى برضو بيصلى فيها على النبى

ياجماعة لازم ذكر النبى صلى الله عليه وسلم له احترامه وآدابه
ماينفعش نقرنه بافعال غير مناسبة له.

كله الا ذكر النبى((علية الصلاة والسلام))

..
.

ليهـ التهاون ده ..~؟

(اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ إِنَّكَ حَمِيدٌ مَجِيدٌ ،

اخر اخبارى

انا مكنتش عاوزه اكتب البوست دا
بس فى كذا حد وانا بعلق عندهم عاوزين يعرفوا اخبارn فى الفتره الا فاتت
وانا بصراحه  عملت مدونه جديده علشان ما افتكرشى اى حاجه من الماضى
بس قررت انى اتكلم ولو على جزء بسيط منه لان كان حبيبى فيه
انا اخر بوست كنت كتباه فى مدونتى القديمه انى خلاص هتجوز وكنت بكتب البوست دا
ومكنتش شيفا من كتر العياط وانتم فاكرين السبب
ووفكرين كتر محاولاتى فى انى انفصل بس مقدرتش
وسبحان الله قبل فرحى باسبوعين حصل الانفصال
من عند ربنا
من بعدها اعصابى تعبت رغم انى كنت فرحانه جدااااااااااا
بس اعصابى كانت تعبانه اووى
ومش طيقا حتى نفسى الا طالع منى
اتقدملى بعدها على طول ناس
كنت خايفه من رد فعل اخواتى عليا فى رفضى لرابع مره
لعند ما كنت خلاص كرهت الحكايه دى
كنت انام واخاف من بكره لحد يكلمنى
مش هتكلم كتير انا هختصر وبس
بس كان الحد الوحيد الا بخاف انه يزعل منى هيا
امى الله يرحمها يااارب
كانت تنام وتحلم بيوم فرحى
كانت لما تروح اى فرح ترجع وكل حزن العالم على وشها
وتبصلى وتتخيل انى انا كنت العروسه
حسا بيها وعلى الكلام الا فى عنيها بس كنت بستعبط واعمل نفسى مش واخده بالى
لعند ما اتقدملى واحد
لقيت الكل موافق عليه
الكل ايه
دا هيا امى الله يرحمها
واخواتى
بس اخويا الكبير كان اكتر  والا كان بيخنقنى جدااا انه ميعرفوش بس موافق عليه من كلام الناس عليه وعلى احترامه وادبه
ولقيت امى الله يرحمها تعرف والدته
وكل يوم كانوا يتكلموا  معايا فى الموضوع دا وانا رافضه
حرام والله كل دا على اعصابى
4  مرات خطوبه وانفصال وبرضو مش حسين بيا
نفسى ارضيهم وارضى نفسى
لقيت الكل متحاذ لشخص واحد معين بالرغم ان كان فى اتنين وقتها معاه متقدمين
رغم انى كنت رفضا نهائى الارتباط وقتها او حتى الكلام فيه بس كان جوايا شبه فضول
اشمعنا داا
وفى يوم بالليل لقيت امى بتبكى الله يرحمها
وسئلتها لقيت كلامها كل حزن وياس ونفسها تفرح بيا وقلتلى حسا ان  عمرى بينتهى
وانتى الا هتتظلمى فى البيت دا
 فكرت فى امى وفى انى افرحها حتى لو هاجى على نفسى وحياتى
وكان الحد الا الكل موافق عليه كان دايما كل يوم ويتصل ويسئل لانه مكنشى فى مصر
وهوا صاحب اخويا
فا قلت للبيت الا انتم شيفينوا انا هوافق عليه وكان قلبى كله حزن
اخويا كلمنى وقلى احنا مش هنغصب عليكى بس شوفيه وكلميه على النت
فا قلت لنفسى ما ارفضشى حد من غير ما اعرفه
ودى هتبقا اخر فرصه هديها لنفسى ولحياتى

اخويا قلى  هوا هيكلمك بعد ربع ساعه
كان نفسى وقتها الساعه تقف وماتمشيش تانى ابدا الا  تانى يوم المهم الحد دا رن وقلبى وقتها وقف والكولون بقا اشتغل واعصاب رجلى بتترعش
اكنى هكلمل ملك الموت
واول ما اخويا قلى خد التيلفون اهو هيكلمك
صوتى اتنبح وما تنطقتش الا كلمه الو سلاموا عليكم
وهوا نازل لوك لوك لوك بس بكل ادب واحترام
 وكل الا كنت حساه قبل المكالمه اتغير نهائى فى وسط المكالمه

ماتقلوش لزقت فى التيلفون

ووقتها حبيت يتكلم اكتر بالرغم انى مكنتش برد عليه نهائى
بس اتخلق جوايا راحه كبيره اووى ليه واتمنين يكلمنى لتانى يوم
فا لقيت  اخويا سئلنى ايه ولا نطقت
بس الحد دا طلب منى انى اشوفه  الاول قبل اى كلام هيتقال
علشان ما يظلمنيش
ويوم ما شفته على النت
كسوفه العالم كله اتحط على وشى ومن وقتها حسيت براحه اكتر واكتر ومن اخواته
وكلمت امى الله يرحمها  وقلتلها موافقه بس الرد وصل متاخر للحد دا
وكان كل يوم يتصل على التيلفون الارض وقلبى كان يقلى ان هوا الا بيرن
بالرغم انى مكنتش اعرف شكل التيلفون اصلا  ولا عمرى رديت عليه خالص
بس من ساعه ما كلمنى وبقيت ملهوفه انى ارد

ومن قبل ما يرن كنت بجرى على التيلفون

والله كنت بنام جمبه وكنت بموت من البرد

احساس بجد غريب

ومش عارفه انهى جراءه جتبله انه يتصل اصلا

من غير ما مايسمع الرد

مش عارفه والله
وكنت بحب اسمع صوته جداااااااا
وهوا اكتر
بسبب من غير سبب كان يتصل
كل دا من قبل ما يعرف الرد
شى غريب شده ليا وانا كامثل سبحان الله يارب
وفضلنا  فى حدود 15 يوم كده ولما عرفوا الرد انى موافقه حصل عندهم حاله وفاه
اه فقريه)
)

فى مانع
المهم بعدها برضو باسبوع لبست دبلته
وكانت الدبله الوحيده الا كنت فرحانه بيها
لو كان اليوم اتخلق فيها اكتر من 24 ساعه كنا برضو اتكلمنا فيهم
وحبيته اوووووووى
وخلاص الحب دخل من غير ما يخبط

حب لحد الجنون
هز فيا مشاعر محستهاش ابدا فى حياتى ابدااااا
كانت خطوبتى يوم 7\3\2011
وكان جوازى متحدد اول 7 على ما ينزل وكده
وخلاص  بدانا نحلم بحاتنا
وكل يوم كنت بدعى ربنا على نعمته الا اهدهالى بعد كل داااااااااااا
وبحمد ربنا على انه ادانى الفرصه انى اكلمه ويحصل ارتباط لااول مره حسيته بيه بجد
صابر لقيت فيه كل حاجه حلوه
حنيته
طيبته
شخصيته الا عجبانى جدااااااااااا
متسامح جدا جدا
اسلوبه مع الناس كلها بيشدنى اكتر ليه
احترام للصغير قبل الكبير
رجولته فى كل حاجه حتى الهزار

كنت رخمه جدا الاول

وكان مستحملنى وكان بيصبر عليا كتير
كنت بحب اتغير علشانه اوووى اطبع على طبعه هوا
كانت امى الله يرحمها كل يوم تحط ايدها على راسى وتستغرب ان انا بنتها بالسعاده دى كلها
وعمرى ما يجيلى نوم ابدا
الا لما اشوف حبيبى  واسمع نفسه كمان وهوا نايم
كان بيجى على نفسه كتير جدااااااا وبيسهر معايا كل يوم وبيكون راجع من شغله خلاص مش شايف من التعب
ومجرد ما نتكلم الاقى براءه العالم كله وسعاده الكون فى نبرات صوته
بحبك اوووووووووووووووووى يا ابن قلبى
والامل دخل قلبى من جديد

وعدت ايام واسابيع وشهور وحصل مشاكل فى البيت
وامى تعبت الله يرحمها
وكان كل ساعه حبيبى يكلمنى ويكون معايا يطمئن
ويوم 4\5\2011
امى اتوفت
ومش هتكلم وقتها كان ايه احساسى وحياتى
بس بعترف لتانى مره ليك يا حبيبى
لولى انت كنت فى حياتى الفتره دى
كنت مت بعد امى الله يرحمها على طول
لان امى دى كانت قبل منك حياتى كلها وكنت فى كل مره ارتبط فيها كنت برطب علشان افرحها
وقبل ما تموت بساعات
وهيا كانت شبه ميتها فى العنايه المركزه
قلتلى جايا ليه روحى لصابر روحى
وقبلها بيوم قلتلى اطمنى هتتجوزى فى ميعادك ووصت خالتى واخواتى جوزوها
وماتت امى

ياااااااااااااااااااااااااااااااااه على الدنيا
كان نفسى افرحها بيا
كان نفسى احققلها حلمها فيا
بفستانى الابيض
كان نفسى اخر حضن اخده من بيتها كان نفسى يكون حضنها هيا
كان نفسى ونفسى ونفسى ونفسى
بس الله رحمك من عذاب الدنيا
بحبك اوووى
ومفتقداكى جدا يا امى
عيشتى معايا 18 سنه وكان نفسى تعيشى معايا قدهم
تشوفى فرحتى بحبيبى وجوزى
وتربى اولادى
وافكرك انى بقيت ام زيك
ياااااااه الدنيا مش بتدى للانسان كل حاجه
كل ما اشوف حماتى تعمل حاجه كانت امى تعملها

بتعب بعدها وببكى وامى تجيلى وتكون حسا بيا وتطبط عليا

فى مره مره ببكى فيها من حاجه مزعلانى دايما حسا بيا وتيجى لااختى وتوصيها عليا

وهيا طمنتنى ان ربنا هيرزقنى ان شاء الله

وعدت ايام واخواتى اتكلمو
انا هعيش ازاى
ابويا ومتوفى
وامى واتفت الله يرحمهم
واختى متجوزه وبعيده جدا عنى
اخواتى متجوزين
طب ودى هتعيش ازاى لوحدها
اتفقوا كلهم اخواتى وخالاتى واخوالى انهم يجوزنى فى ميعادى
وحبيبى قلى
فرحتى انتى وممكن ناجل سنه وحتى لو اجلنا سنه برضو مافيش اى فرح ولا اى حاجه هنعملها
وفكرى
انا لسه ما شفتكيش على الحقيقه
كل شوفتى ليك كام وبس
لما اجى هشوفك ازاى عمرى ما ادخل بيتك ومافيش راجل فيه
فا كلام ورى كلام
وتمت الموافقه انى اتجوز فى ميعادى

وحبيبى جه قبل الفرح بى 4 ايام
ولاول مره اشوفه
كان نفسى اترمى فى حضنه اوووى
وابكى
وكل ما ابصله اقله بحس انى كنت مستكتراه اوى عليا
ويوم كتب كتابى مكنتش مصدقه ان النحس خلاص اتفك
وبقيت مدام
ومدام  لمين كمان
الا اتمنيت انى  اكمل معاه

وكان نفسى اقول لبيتنا بس وجيرانا

واخيرا اتجوزت ومحدش ليه عندى حاجه

واييييييييييييييييييييييه

ويوم ما كنت بلبس فستانى بركان دموع كان جوايا محبوس

واتخيلت امى معايا
بتلبسنى هيا فستانى
وطبعا اتفقنا ان مافيش اى فرح
ولا هيصه
ولا عملنا اى حاجه
فرشت شقتى عادى
وحنتى كانت برضو عادى
كل الا كان قاعد كان لابس اسود
حتى يوم فرحى
سبونى اقول فرحى
بس بجد بالرغم ان ماكنشى فى اى حاجه وكنت اصلا من اول خطوبتى كنت بحلم بفرح كبير ليا
وجوزى برضو كان نفسه
بس قدر ومكتوب لينا
والحمد لله يارب
واتجوزنا ودى كانت اول فرحه تدخل قلبى من بعد وفاه امى الله يرحمها
وبالرغم ان امى ماتت
بس جيت البيت دا لقيت ام ليا بجد

معنتش قادره اكتب
ومن نص رمضان كده الا فات فكرت ارجع تانى لعالم التدوين قلت اهو اعبر فيه عن احساسى واكتب كل الا عاوزه اقوله
لان من بعد حبيبى ما سافر حياتى ملل وفراغ
وبس
وادينى اهو معاكم واحسن من الاول كمان
والحمد لله
ــــــــــــــــــــــــــــــــــــــــ
اخر كلامى
الله يرحمك يا امى
الله يرحمك يا ابويا
ــــــــــــــــــــــــــــــــــــــــــــــــــــــــــــ
بحبك اووووى يا صابر