السبت، 17 سبتمبر 2011

مش عارفه

مش عارفه اكتب ايه
بس انا عاوزه اكتب بس ايه مافيش فى دماغى حاجه اكتبها
بس حسا انى جوايا كلام كتير عاوزه اقوله
وجوايا خنقه
بس هيا مش بايدى
سعات الشيطان بيلعب فى دماغى بمفك معفن وبيخمنلى حاجات غلط
انا بحب جوزى اوووووى والحمد لله يارب على دى نعمه
ويارب يارب يارب ارزقنى منه الذريه الصالحه يااارب
ساعات بقا شوشو يقلى ربنا مش هيكملك فرحتك دى بالاولاد
استغفر الله العظيم ولا تعليق على الكلمه دى
بشوف كتير فى مجمعنا دا مافيش حياه حد كامله
ممكن واحد تتجوز حد بتحبه اوووى وهوا مش بيحبها
والعكس
وممكن الاتنين بيحبوا بعض بس فى مشاكل مه اهلهم
وممكن الاهل يبقا كوييسين اوووى بس الزوج مش كويس
وممكن كل دول كويسين  وربنا مش كرمهم بالذريه
\دماغى دى بينها بتفصل شحن ولا ايه
نفسى اسافر لجوزى لانه واحشنى اوووى
وكل ما افتكر الشهر الا قعدوا معايا بتخنق
فى عريس يقعد مع عروسته شهر يا ناس
اكنه نازل يشبطنى بس ولا الزمب زمبه ولا زمبى  والحمد لله يارب
ويارب يهديلك صاحب الشغل
وفوق كل دا ودا

امى برضو الله يرحمها وحشتنى
دايما فى بالى بس مش بستسلم للحزن ساعات
اهلى الا عايشه معاهم مالهمشى زمبى فى قدر ربنا والحمد لله يارب العالمين
مش عارفه اخلى هدف اساسى للبوست دا
بس ممكن اقول فيه
استحمل يا قلبى على بعد حبيبك
واستحمل يا حبيبى معلشى

تماسك من اجلى

بحب
اخرج مع اوراقى وقلمى من حالة شجنى وحزنى

انك يا حبيبى واهبت لى الحياة

وبعدك عنى ثانية هو موت الحياة

حبيبى

تماسك من اجلى يا كل عمرى

تماسك من اجل قلب انت له الدقات

تماسك من اجل جسد انت له الحياة

واقترب اضمك ضمة اشتاق لها ولو كانت بعدها تنتهى الحياة

حبيبى

وحدى انا يمتلكنى اليأس من الاستمرار فى الحياة

قولى انت من غيرك ازاى اعيش انا فى الحياة

حبيبى

اوصفلك حالى فى بعدك

واقولك اية فقدت احساسى وشعورى بالحياة

من غيرك تاهت خطواتى عن درب الامل

تاهت الضحكة عن شفايفى

اوصفلك حالى الان

مجنونة انا والعقل فاتنى وراح عندك

وتركنى اهيم فى الطرقات اتخبط فى جدران الوحدة

حبيبى

اتوسل اليك تماسك يا عمرى من اجلى

يا ضحكة اتمنى لا تغادر حياتى

يا عمر اتمنى اعيشة

يا كلمة اتمنى لا تغادر بسانى

يا شهد اتمنى ارتشفة بشفايفى

حبيبى

اتوسل اليك اجعل حلمى فيك حقيقة

احتاج لك .. احتاج لك .. احتاج لك

تذكر احلامنا وتماسك

تذكرا ليالينا وتماسك

تذكر خوفى عليك وتماسك

حبيبى

لاتترك طفلتك وحيدة بدونك

لا تترك حبيبتك حزينة بدونك

لا تترك ابنتك مكسورة بدونك

لا تتركنى وتماسك من اجلى

حبيبى

قاوم ياقلبى بكل قوة الحب

اطلب من ربى يهبك الحياة فى كل صلاة

بدعاء قلبى الملهوف بدعيلك فى كل ثانية

بدعيلك تكمل معايا الحياة

يارب

يارب

يارب

مكسورة انا بدونة رجعه لى

وحيدة انا بدونه احميه لى

دموعى سكنت ايامى وليلى رجعه لى يكفكفها بيدةالحنونة

يارب

يارب

يارب

قلبى انفطر بكاء عليه

ارحمنى يارب واحميه

حبيبى

تماسك من اجلى يا نبض الحياة

واعلم واقسم لك

ان حياتى اوقفتها انا عليك

حبيبى

يا حب عمرى ارجعلى

قاوم يا حبيبى من اجلى اتوسل اليك

تماسك يا كل عمرى يا حب حياتى ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يارب يهديلك  صاحب الشغل يارب يا قلبى

هناك 21 تعليقًا:

د.ريان يقول...

مساء العطر بنت قلبي

واللهم اّمين على كل دعواتكِ

ويارب كمان يعطيكِ تؤام زي القمر

بوح رائع وجميل ويارب تمضي الأيام

وبلمحة عين تجدينه بين يديكِ

ويصبح كل خوف وقلق ذكرى تتبدل

بضحكات وحب عميق لا ينتهي

دمتم بكل خير يارب

الاحلام يقول...

القلب مجروح من بعد الحبيب والبعد رهيب على على الحبيب اكيد البعد ظلم ليكى وليه لكن هناك اكيد اسباب ادت الى هذا البعد فالله قادر على القرب بينكم من جديد انتى تحبيبه جدا واعتقد انه يبادلك نفس الشعور لانكى تتكلمى عليه بشوق وحب جمع الله بينكم مره اخرى وجعل بينكم موده ورحمة وحب دائم
تمنياتى ان تقبلى مرورى وتقبلى تحياتى الاحـــــــــــــــلام

غير معرف يقول...

زوجتي الغالية وابنة قلبي وحياتي وروحى انتى اغلى من حياتي وهبتك عمرى انا من اعشقك بجنون انا من احبك واشتاق اليكى فى غربتي سامحيني لو كان الزمب زمبي ببعدى عنكى ولكن الله قادر على عودتي قريبا او يأتينى بكى هنافى الغربة ولكن الله يعلم كم انا احبك وكم انا مشتاقا اليكى فسامحيني عن بعدى عنك والله قادر على ان يجمعنا قريبا وان يرزقني منكى بالذرية الصالحة احبك احبك احبك اقل مااقول انى اعشقك واذوب بحبك يا من ملكتى قلبي وعقلي ومشاعرى وكل حياتي

Roze يقول...

ما أجمل أن ارى شوقاً للزوج !
حفظكما الله لبعض وراعكما

تمسكي بالدعاء والصدقة
فهما سبيل لتغيير القدر ..

استمتعت جداً بالقراءة !

تقبلي مروري

روز

بنت قلبى يقول...

د. ريان

اسعدنى تواجدك فى مدونتى لتانى مره
ويارب يتقبل منك يارب
ويسعد امه محمد باكملها يااارب
ومتشكره على رد حضرتك

بنت قلبى يقول...

الاحلام

اهلا بيك لااول مره فى مدونتى المتواضعه
لالا حضرتك مش فاهم كلامى
مافيش اى مشاكل لقدر الله بس حبيبى بعيد عنى
بمعنى انه مسافر
بس فا هوا واحشنى
فا بعبر باحساسى بكلامات ويارتنى بعبرها صح كمان
والحمد لله يارب
ونورنى تواجدك لااول مره

بنت قلبى يقول...

غير معروف

ههههههههههههه
زوجى العزيز على قلبى
اخجلتنى بكلامك لى
ومش عارفه ارد عليك غير بكلمه واحده
ربنا مايحرمنى منك ابدا ابدا ابدا يارب العالمين
ويارتنى اقدر اوصف مدى حبك فى قلبى
لان احساسى بحبى ليك لا يتوسف ولكنه يتحس
اشتقتلك حبيبى

بنت قلبى يقول...

روز

اهلا بيكى لااول مره فى مدونتى
واسعدنى ردك على كلامى المتواضع

د.ريان يقول...

الله الله الله يازوج بنت قلبي

اهو دا الكلام الي نخب نسمعه

نسمعه مين هو احنا في راديو

اقصد نشوفه :) ويارب يخليكم لبعض

ويخلي حبكم أجمل صورة تحببنا في الحب

مساء جميل أسعدني هنا :)

وتحية أيضا لأختي الراقية بنت قلبي

دمتم جميعاً بكل حب

لكما تحياتي :)

بنت قلبى يقول...

د. رياان
بجد مش عارفه ارد على حضرتك با ايه
مافيش غير كلمه شكرااا لحضرتك
وياااااااااااااارب تدوم المحبه مابينا ياااارب
وامه محمد كلها يارب العالمين يارب

ريري كربكه يقول...

يا قلبي ربنا يحفظلك زوجك ويرجعهولك بالف سلامه ويخليكم لبعض ويرزقكم الذريه الصالحه والله يرحم والداتك
تقبلي مروري كان نفسي اكون اول وحده تعلق على البوست بتاعك انا والله العظيم حاسه بيكي اوي الله يصبرك

بنت قلبى يقول...

مخنوقه اوووووووووووووووى

Emtiaz Zourob يقول...

ربنا يحقق لك كل أمنياتك ويعوض عليك بأحلى تؤام .. ويسعدك في حياتك الزوجية والأسرية ..

سعيدة بعثوري على مدونتك وان شاء الله من المتابعين لكل جديد ..

دمت بخير وتقبلي خالص تحيتي وتقديري.

Miss LoZa يقول...

يالهوى شهر وسافر !!
دى رخامة بقه
ههههههههههههههههه
معلش انا حاسة بيكى والله
بس دايما افتكرى ان كل حاجة وحشة بعدها حاجة حلوة
عمرك سمعتى عن ليل مجاش بعده نهار ؟؟
بصى على فرض بعد الشر بعد الشر حتى لو مش حصل موضوع الاولاد ده
احمدى ربنا واعرفى انه عملك الحاجة الحلوة
وايه يعنى علشان تفضلو مع بعض مفيش حاجة تشغلكو بقه
بس ان شاء الله لا ربنا يرزقكو بكل الى انتو عاوزينه ويرجعولك بالسلامة :)

بنت قلبى يقول...

ريرى

ازيك ياقمر

يارب يتقبل دعائك يااااااااااااااارب
وتسلميلى يا حبيبتى من كل شر يارب
وعادى بعد ازن اول صاحب تعليق
اكنك كنت انتى اول تعليق ولا يهمك

بنت قلبى يقول...

وجع البنفسج

متشكره على مرورك الاول فى مدونتى

وان شاء الله مش هتكون اخر مره

بنت قلبى يقول...

ميسس لوزه

اه والنبى يا اختى
شهر وعلشان ما ابقاش كدابه يعنى وى 7 ايام
علشان يوم الحساب يعنى
ونقول الحمد لله يارب ويكفى ان ربنا اعطانى اكبر نعمه بنات كتيره محرومه منها
والا ربنا كتبهولى هشوفه
بس الا بتمناه دلوقت
ان ربنا يخليلى زوجى ويحمهولى من اى مكروه ياااارب
ويعطينى منه يارب

نهر الحب يقول...

قولي اللي جواكي طالما حساه
وربنا يبعد عنك كل شيطان ويكتبلك الخير يااارب
:))

د.ريان يقول...

اللهم اّمين

وأذنكِ معاكِ وسلامتكِ من الخنقة

دمتم بخير وسعادة يارب :)

سندباد يقول...

انا عند حسن ظن عبدي طالما عبدي عند حسن ظني
ثقي في الله ان القادم سيكون افضل وفوضي امرك لله
لا اله الا انت سبحانك اني كنت من الظالمين

بنت قلبى يقول...

نهر الحب

اسعدنى مرورك وتواجدك فى مدونتى