السبت، 24 سبتمبر 2011

ابوس ايدك ما تصليش على النبى



طبعا العنوان مستفز جدا انا عارفة وانا فعلا اقصده


ابداْ كلامى بخير الكلام


والصلاة على خير الانام



(إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً)
الاحزاب65



اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ إِنَّكَ حَمِيدٌ مَجِيدٌ)





أوصانا الحبيب عليه افضل الصلاة والسلام ان نكثر من الصلاة عليه


ومن صلى عليه صلاة صلى الله بها عليه عشرة


يـاريتـه ماصـلى عالنبــى


جميل ان اهالينا لما تحكيلنا حدوتة تقول صلو على النبى الاول




او مثلا وانت ناسى حاجة تصلى على النبى عشان تفتكرها



لكن فيه بعض المواقف باشوف الناس بتصلى على النبى

واقول ياريته ما صلى عليه


مثلا -واحد بيعاكس واحدة يقوم ماسح مسح جغرافى لكل
جسمهاا بعينيه ويقول اللهم صلى على جمال النبى ده ينفع؟
 


-واحد عاوز يوصل لك رسالة انك لازم تسيب حقك
وتاخد على دماغك وتسكت يقوم يقولك ياعم صلى على النبى




 
-واحد بيفتح معاك نميمة وانت بتقوله دع الخلق للخالق
يقولك صلى على النبى ده كيت وكيت وكذا وكذا



 

-والافظع بقى زفة فى فرح والكل ناسى يلبس هدومه
والراقصة بتتمايل وتتدلع




والكل يصفق صلى على النبى صلى على النبى او صلى صلى واللى ما يصلى مش عارفة ابوه ايه وامه ايه ده ينفع



-طيب دول ناس بيئة مثلا وياى منهم.



الناس بقى اللى مش بيئة فى اول الفرح


(والكل برضو بينسى يلبس هدومه صيف وشتاء)
تلاقى هشام عباس يغنى اسماء الله الحسنى


والناس آخر خشوع وأول ما يقول اللهم صلى على اسعد مخلوقاتك


هوببا تلاقى الكل بيتمايل ويصفق والبعض يرقص فيه ايه ياناس


 

واللا اللى بيرقصو على اغانى سامى يوسف
واللى برضو بيصلى فيها على النبى




يـاريتـه ماصـلى عالنبــى


ياجماعة لازم ذكر النبى صلى الله عليه وسلم له احترامه وآدابه
ماينفعش نقرنه بافعال غير مناسبة له.



كله الا ذكر النبى((علية الصلاة والسلام))

..
.

ليهـ التهاون ده ..~؟

(اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ إِنَّكَ حَمِيدٌ مَجِيدٌ ،

هناك 6 تعليقات:

د.ريان يقول...

اللهم ماصلي على محمد وعلى ال محمد كما صليت على ابراهيم

وعلى ال ابراهيم في العالمين انك حميد مجيد

صباحكِ رضى وطيبة وإيمان بنت قلبي

شوفي بقى كم صلاة صليتها وانا اشوف الموضوع :) ربنا يسعدكِ

بنت قلبي وفعلاً الموضوع معاكِ حق فيه

للصلاة على الرسول صلى الله عليه وسلم مواضع واماكن

والموضوع مش مفتوح بحري نكون في مكان

غير لائق ونصلي ولأنها الصلاة دي مشرفة وحتى الله عزوجل وملائكته

يصلون كلما صلي على الرسول صلى الله عليه وسلم

وتصل إليه ويعلم من صلى بها صلى الله عليه وسلم

فلابد أن لاتصبح عادة بدون معنى وينبغي أن يكون لها تبيجل أكبر

يستحقها ويعظمها ولا يهين قدرها ولازم العالم

تتعلم أنها ليست مجرد كلمة عابرة بل مقدسة لأنها قد تكون

سبباً في الشفاعة وسبباً في حب الرسول صلى الله عليه وسلم

عندنا عادة سيئة قريبة من دي

تلاقي الواحد يحلف على المصحف وبأسماء الله الحسنى

ويطلع حرامي بجد لازم الإنسان ينتبه للتعامل

مع الكلمات لأنه كلمة ترفعه أعلى الجنة

وكلمة توطيه سبعين خريف في جهنم

وأتفق معكم سيدتي في الموضوع

دمتم بكل رضى ومحبة

beautiful mind يقول...

السلام عليكم
فعلا والله عندك حق
ودا يدل علي كمية الجهل عند الناس
وانهم لا يحترمون مقام الرسول الكريم صلي الله عليه وسلم
وحضرتك نسيتي تقولي ان لما واحد يلاقي نفسه طلع خسران من حاجه او حاجه مش جايه علي هواه يقول ( كسبنا صلاة النبي )
ربنا يهدي الجميع
تحياتي

الجوكر يقول...

اللهم صلى وسلم وبارك على محمد وعلى آله وصحبه وسلم تسليماً كثيراً

....

بنت قلبى

لله دركِ على هذا الموضوع الرائع

الذى عكس صوره لما يحدث من افعال لمن يجهلون قدر الصلاة على النبى

جزاك الله كل خير

وجعل حروفكِ العطرة فى ميزان حسناتك


لكِ تقديرى وكل الإحترام

الاحلام يقول...

اختى الغاليه بنت قلبه
صلى على رسول الله .ان الصلاه على رسولنا الكريم نعمه انعم علينا بها الله فترين حديث عن حبيبى ورسولى يقول ابخل البخلاء هو الذى يسمع اسمى ولم يصلى عليا وايضا يقول فى حديث اخر فيما معناه ان من ذكرنى فى سره ذكرته فى العلن ومن ذكرنى فى ملاء ذكرته فى ملاء احسن منه . صلى الله وسلم على حبيبنا ورسولنا الكريم شفيعنا يوم القيامه اللهم ارزقنا شفاعته امين يارب العالمين
بوست رائع وتخلف واضح فى افعالنا لابد ان نستيقظ منه حتى نعطى رسولنا الكريم حقه فى كل شىء جعلنا الله من الذين يستمعون القول فيتبعون احسنه تحياتى اختى الكريمه ولا تنسى الدعاء لامك رحمها الله فدعائك يصل لها ان شاء الله
تحياتى ابوداووووووود

ريري كربكه يقول...

اللهم صلي عل محمد وعلى ال محمد في الاولين وفي الاخرين وفي الملا الاعلى والى يوم الدين

والله عندك حق كمان التهاون بقى في الدين والله ده حرام
بوست حلو اوي يا بنت قلبي كا تعودنا منك دائما
تقبلي مروري وتعليقي

غير معرف يقول...

اللهم صلي وسلم على محمد وعلى آل محمد
صباحك غاردينيا بنت قلبي
هههههههههههه
والله غصب عني ضحك ماهو شر البلية مايضحك بس بجد معاكي حق ناس كتير بقت تستخدم الصلاة على النبي في حاجات غلط بدون تقدير لفضل الصلاة على النبي عجبتني اوي الي بيعاكس ويصلي على النبي هههههههههه
ربنا يسعدك "
؛؛
؛
لروحك عبق الغاردينيا
كانت هنا
reemaas