الأربعاء، 12 أكتوبر 2011

الناس دى ذمبهم ايه بس


مش عارفة ابدا منين ..~؟



بس جوايــا كلامـ كتيــر اوووى ..



واكــتر سؤال تعبنــى ...



..
.





ذنبهمـ ايــــــــه ...؟؟؟




ايــه اللى عمــلوه عشــان يحصلهمـ كـــده




طفله بريئة ... عروسة زى القمــر .. راجــل كبيـــر


...




طلعنـــا .. عملنــا ثـــوره .. واتظــاهرنـــــا ...


حققنــــا الحريه ....


كويــس ماشـــى ...



بس مقلتليــش برضــو ذمبهمـ ايـــه؟؟



ماتت .. مــــــات ... اتخطـــفت .. اغتصـــبت ...


تقدروا تقولولى ذنبهمـ ايــــــــه ؟؟!!




اخبــــار اخبــــار .. جمهـــورية


واقرااااه الحـــــادثه ؟؟؟




قاعديـــن مع بعض صحاب .. اخواات .. جيـــران


يجــى حد يقلكـ سمعتـ اللى حصــل



ده خطفــوا بنت فى المكــان الفلانـــى


ياخبـــــــــــــر ............!!!


ده ياريـــت كده بس ده اغتصبوهــا وبهدلــوهـــا


 
ويجـــى واحد تـــانــى يقــول
ده البلطجيه طلعواا على واحــد
وقتلـــوه علشــان


؟؟


دافـــع عن نفســـه ..


او عن اهــــــــله ..


او عن عرضـــــــــه ..




ولا مسمعتش ياعمـ عن البلطجية * قطــاع الطرق *


يطلعــولكـ جمـــاعه كده ومعاهمـ سكاكين وشــومـ


يوقفــوا العربيه او الميكروباص او....



وحســـب مزاجهمـ بقـــى ؟؟؟


لامـــا ياخد الفلـوس اللى معاكـ
ويبقــى انــت كده ربنـــا بيحبكـ اووووى ..~




او ياخـــد مثلا موبايلتكمـ وفلوسكمـ والدهب ويقشطكمـ عالاخـر
وبرضـــو احمــد ربنــــا ....~




يامـــا بقــى الكــارثه الكبــرى .. لو معاكـ بنــات او ستــات
ياخدهمـ منكـ



وده طبعــا حسب مزاجـــهـ ..


الله اكبر بقينــا تحت رحمه البلطجيــة ...~


تقدروا تقولولى ذنبهمـ ايــــــــه ؟؟!!



ولا شـــوف بقـــى الابتكــار والذكـــااء


يخليكـ طالع كده زى العسل بيتكـ ..~


وهــــوب يتسحــب وراكـ


ويخليكـ بتفتــح باب شقتكـ


ويزقكـ ويدخــل يقشطـ البيــت


والله عارضت .. قول علــى نفســكـ يارحمــان يارحيــمـ ..




مــش كــده بــس .. دى حــالات كتيــــر



ســرقه .. نهـــب .. خطــف .. قتـل .. اغتصـاب .. و...و...و.. الخ



تقدروا تقولولى ذنبهمـ ايــــــــه ؟؟!!






ذمبهمـ ايـــهـ ....؟؟؟




راح الامـــــــان وضـااااااااااااااااع ..



عايشيـــن فى كل لحظــه متوقعيــن الضيــاع ...



محدش يقـــولى كل حاجه ليهــا ضربيتهــا وخسايرهــا


للاســف الخســايــر دى اروحنـــــــــــــا




اللى بيحصـل ده ممكن يحصـل فيــا وفيــكـ


فى امــى فى امــكـ فى اختــى فى اختــكـ


فى بنتى فى بنــتـكـ ........


كـل يومـ بنسمـع




احنـــا فيـــن ....؟؟؟



الرعــب جوانــا وتمالكنــا
بقينــا خيفين نخـرج من بيتنــا
كل امـ فى بيتهــا خايفــة على بنتهــا
خايفـة حتى على جوزهـا وهو نازل شغله




لا جديـــــــــــد ولا تغيـــــــــــر ...~


مجــرد توقعـــات لمستقبــل افضـــل ...~


ولكـــــن الجديد بالفعـــل هو ..~


ضياع الامـــــان ..


ابريــاء بتــروح ملهمــش ذمــب ...~



انا مش هاحط العيب على الثورة
لانها عملت اللى بنطالب بيه من سنين
وحققوا حرية ورجعوا لكل مواطن مصري كرامته
وارجـع اقـول يمكن لو معملناش كل ده

مكنش راح الابريـاء دول

بجد مش عـــارفة




ايـــه تـــانـــى هيحصــل فينـــا ....؟؟؟


حد يقـــلى ذمبهمـ ايــــــــــــه ...؟؟؟



والله حــرامـ
قلبــى بيبكــى عليهمـ
على اللى حســوا بيـــه
على كل لحظه خـوف عاشـوهـا
وهى بتتخطف وهو بيتسرق و..و..
وعلى كــل امـ حصــل كده فى بنتهــا

ياحــرقة قلبهــــــا
وكل اب ضاع قدامه اهله او بناته
وكل اب او ضحيه شاف مماته عشان بيدافع عن اولاداه
آآآآآه والف آآآآآه عليكــــواااا ...~





تقدروا تقولولى ذنبهمـ ايــــــــه ؟؟!!




مـش لاقيـة كلامـ اقــولة
غيــر...~
ربنــا يتولانـــا برحمتــــه


والسـلامـ ختــامـ
اسـال الله تعــالى ان يزيـل الغمــة
ويحفظنــا جميعــا ...~

هناك 10 تعليقات:

ريــــمــــاس يقول...

مساء الغاردينيا بنت قلبي
الي بيحصل في مصر الآن بيوجعنا كلنا مش بس المصريين مؤلم كثير الناس لي تأذت والناس الي عايشه في خوف من كل شئ حواليها ..
أتمنى فعلاً أسمع أخبار طيبة ويعم الآمان البلد ويحفظ رب العالمين مصر وشعبها وكل بلادنا العربية "
؛؛
؛
لروحك عبق الغاردينيا
كانت هنا
reemaas

بنوتة مصرية يقول...

ربنا يهدى الحال ... ربنا حافظ مصر ..خليها ع الله كلنا حزنانين لكن اكيد النهاية فرح واستقرار وبلدنا هتكون بخير


تقبلى مرورى

د.ريان يقول...

حسبي الله ونعم الوكيل على العالم

الي بتبلطج وتستغل الاوضاع ونسيو انه ربنا

شايف وعارف كل الي بيعملوه

يارب ترجع الأوضاع مستقرة ويكفي أخواننا وأخواتنا

كل شر

ومساء الخير بنت قلبي

beautiful mind يقول...

والله عندك حق في كل كلمة قولتيها
عشان البهوات بتوع الشرطه لسه فاكرين نفسهم ايام العادلي
وكل واحد مستني اللي يقوله شوف شغلك
لكن بجد الحال دا مش هايدوم
وربنا يتولانا الايام دي

ريبال بيهس يقول...

صباح الورد بنت قلبي

أنا صدمت بشدة لكلامك فنحن لم نتوقع

أن الأحوال وصلت لهذه الدرجة من إنعدام

الأمان ولكن الحق كله يسقط على المجلس

العسكري الذي همش دور الحكومة فلم

تستطع القيام بمهامها كما ينبغي وفي

نفس الوقت لأم يتحملوا هم مسؤولياتهم

وتركوا الحبل على الغارب لتنتشر

العصابات في كل مكان دون خوف ولا تنسي

من أمن العقوبة أساء الأدب ...

اسأل الله أن يحفظكم وتعود الأمور إلى

طبيعتها ...

تحياتي وإحترامي

عبدالله ( أوتار عذبة ) يقول...

لاحول ولا قوة الا بالله
الله المستعــــان
بصراحة شي عجيب كيف اخوان يسوووون ببعض كذا
عسى ربي يفكـ ازمتكــم وازمة الامة الاسلامية
\
/
\
تقبلي طلتي،،،
دمتي بخيــر،،
ودي،

بنت قلبى يقول...

ريماااس
مصر خلاص فى النازل دايما
قولنا وقالوا كتير
كنا فى نعمه مش حسيين بيها ودلوقتى بندور عليها
معرفش ده عيب فينا ولا فى اللي كان حمينا
حسبي الله ونعم الوكيل فى كل ظالم وكل خاين للبلد دي
تسلميلى حبيبتى على ردك

بنت قلبى يقول...

بنوته مصريه

اسـال الله تعــالى ان يزيـل الغمــة
ويحفظنــا جميعــا ...~

الاحلام يقول...

بنت قلبى
ومع كل ذلك اختى انا اعتقد انالجاى احسن بكتير جدا وان شاء الله البلد ستكون بخير تدريجيا وسننعم بنعيم بلدنا ان شاء الله
تحياتى الخالصه الاحـــــلام

بنت قلبى يقول...

مش عارفه اققول ايه
بس فعلا الثورة حققت الى احنا عايزينه
لو فى عيب او غلط يبقى على الامن و الشرطة المتخاذلين لغاية دلوقتى
ليه يعنى مش عايزين يشتغلوا
حنتحايل عليهم ؟؟؟
اة فعلا بنتحايل عليهم
دلوقتى بقى كل واحد همه يجيب سلاح يمشى بيه
او يخليه فى بيتهم علشان يعرف يدافع عن نفسه
و اخير الجيش عمل قانون للبلطجة يوصل للاعدام
ومن كام يم اطبق على اتنين القانون دة و اخدوا 25 سنة
بس مش كفاية
لاززززززززم الشرطة تنزل
ومش بمزاجهم لا غصب عنهم دى شغلتهم
و المفروض القوات المسلحة تعمل قانون برضه ان اللى يتخاذل فى شغله اى كان يتعرض لعقاب معين
بدل ما البلد تبقى سداح مداح كدة
و البلطجية هما اللى بيحكمونا
ربنا يصبر اهل اللى اتوفوا
و ربنا معانا و يحمينا يا رب