الثلاثاء، 27 ديسمبر 2011

فى قربك حبيبى



يا صاحب القلب الطيب
يا ابو العيون الصافية
والكلام الهادى
جنبك انا بحس بالامان
قلبى بيطمن
دقاتة هادية وسعيدة
فى وجودك يا قلبى
بملك الكون
تجرى حروفى من قلمى
على اوراقى وانت فى حضن قلبى

كلماتى بتحسك
بتهمس باسمك

فى وجودك يا قلبى

دنيتى متلونة
وردتنى على صدرى فاج عبيرها

عطرى فى وجودك يغار منة الفل والياسمين

عيونى بتضحك للكون
احساسى فى قربك فوق الوصف
بوصل لهدوء الخيال
فى قربك الدنيا غير الدنيا
بشتاق لوجودك
بتوحشنى وانت يا حبيبى جنبى
بيوحشنى صوتك وكلامك

قربك واحة امان

كلامك راحة زمانى

بطمن يا حبيبى فى قربك

عصفورة انا فى قفص حنانك
لا اتشوق للحرية
حريتى فى لمسة اديك
ونظرة عنيك
وهمستك
وكلمتك

وحنيتك

بتونس يا حبيبى انا بيك

بـــحبــك اووى
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
طبعا غيبت كتير جدا جدا عنكم
بس طبعا هتعزرونى لان ربنا وحده الا استجاب لدعواتكم وبعتلى حبيبى هما اه مجرد ايام وساعات بس عندى اهون بكتير عن بعده عنى
تسلمولى يارب على دعواتكم الا من قلبكم ليا وكلها ايام وهرجع عن الاول كمان
وهترجع ريما لعادتها القديمه هرجع اكتب من تانى عن بعده عنى
وكفايا بقا كده  كتابه





هناك 6 تعليقات:

غير معرف يقول...

مساء الغاردينيا بنت قلبي
طبعاً بمجرد ماقريت كلماتك عرفت انه حبيب القلب رجع لحضنك وكنت حاسة بدفا كلماتك جداً ودا طبيعي ربنا يرجعه بـ السلامة وأشوفك دايماً سعيدة ومبتسمة وحشتيني بجد بس طالما الغاياب عشان عنيه مسامحينك ياستي :) "
؛؛
؛
لروحك عبق الغاردينيا
كانت هنا
reemaas

غير معرف يقول...

http://www.youtube.com/watch?v=Kv9AkxsXXUw&feature=related

؛؛
؛
حهديكي أغنية بحبها جداً لسوما
؛؛
؛
الدنيا ومافيها بـ الناس الي فيها
ماتسواش دقيقة في حضنك اعيشها
حاجات حاسة بيها وحاجات نفسي فيها
ماقلتش عليها ولقيتك حاسسها
اصلك ماتعرفشي لما تكون جنبي
انا اي بقلهولك بيني وبين نفسي
وايه بيحصلي حتى وانا بصلي
من قلبي بدعيلك اكتر مابدعي لنفسي "
؛؛
؛
reemaas

Unknown يقول...

الف مبروك
ويارب دايماً في سعاده وانتم مع بعض

غير معرف يقول...

وااااااااااااااااااااو
قلم جدا انسيابي وراقي
تسلسل يروق لي حقا
وانفتاح مرهف في عبير السطور

متابع لك

الاحلام يقول...

سعيد انك سعيده ويارب دائما ايامك تكون كلها سعاده ان شاء الله تتجمعوا بدون فراق عن قريب
تحياتى ابوداود

sony2000 يقول...

ربنا معاكي

ويارب يجمعكوا علي طووووووول لحد ماتزهقوا من بعض:))

وانتي كمان وحشاني